மெகி புயலால் சீனாவில் கடும் நிலச்சரிவு: 16 பேர் பலி

சீனாவை தாக்கிய மெகி புயலால் அங்கு கடுமையான நிலச்சரிவு ஏற்பட்டது. அதில் சிக்கிய 16 பேர் பலியாகினர்.

ஜெஜியாங் மாகாணத்தில் காணாமல் போன மேலும் 17 பேரைத் தேடும் பணி நடைபெற்று வருகிறது.

மெகி புயலால் சீனாவின் ஜெஜியாங் மாகாணத்தில் கனத்த மழை பெய்தது. இதனால் சுசுன் கிராமத்தில் ஏற்பட்ட நிலச்சரிவில் ஏராளமானோர் காணாமல் போயினர். இதில் 16 பேரின் உடலை மீட்புக் குழுவினர் கண்டெடுத்துள்ளனர். மற்றவர்களைத் தேடும் பணி தொடர்ந்து நடைபெற்று வருகிறது. காணாமல் போன 17 பேர் இன்னும் தேடப்பட்டு வருகின்றனர்.

ஜெஜியாங் மாகாணத்தைத் தவிர வென்செங் என்ற இடத்தில் 6 பேர் உயிரிழந்தது உறுதி செய்யப்பட்டுள்ளது.

மெகி புயலால் தென்கிழக்கு சீனாவும், தைவானும் கடுமையாகப் பாதிக்கப்பட்டுள்ளது. மெகியால் தைவான் நாட்டில் 4 பேர் பலியாகினர்; 268 பேர் காயமடைந்தனர் என்பது குறிப்பிடத்தக்கது.