சீனாவில் நிலநடுக்கம் 7 பேர் உயிரிழப்பு

சிச்சுவான்: சீனாவின் சிச்சுவான் மாகாணத்தில் நேற்று சக்தி வாய்ந்த நிலநடுக்கம் ஏற்பட்டது. இதில், 7 பேர் உயிரிழந்தனர்.

இதுகுறித்து சீன அரசின் ஊடகமான சிஜிடி என் கூறியதாவது. சீனாவின் தென்மேற்கில் உள்ள சிச்சுவான் மாகாணத்தில் மதியம் 1 மணி அளவில் நிலநடுக்கம் ஏற்பட்டது. இது, ரிக்டர் அளவுகோலில் 6.8 அலகுகளாகப் பதிவானது.

லூடிங் நகரத்தை மையமாகக் கொண்டு பூமிக்கடியில் 16 கி.மீ. ஆழத்தில் ஏற்பட்ட இந்த நிலநடுக்கத்துக்கு சிச்சுவான் தலைநகர் செங்குடுவில் 7 பேர் உயிரிழந்தனர். பல இடங்களில் நிலச்சரிவு ஏற்பட்டதுடன், தொலைத் தொடர்பு சேவையும் கடுமையாக பாதிக்கப்பட்டது. பாதிக்கப்பட்ட பகுதிகளில் மீட்புப் பணி நடைபெறுகிறது.