பாகிஸ்தானில் பேருந்துகள் மோதி விபத்து: 30 பேர் பலி

பாகிஸ்தானில் இரண்டு பேருந்துகள் மோதி விபத்துக்குள்ளானதில் 30 பேர் பலியாகினர்; பலர் காயமடைந்தனர்.

இந்த விபத்து குறித்து பாகிஸ்தான் போலீஸ் தரப்பில் கூறும்போது, "பஞ்சாப் மாகாணத்தின் தெற்குப் பகுதியில் லாகூரிலிருந்து 600 கிலோ மீட்டர் தொலைவில் இன்று (திங்கட்கிழமை) அதிகாலை 6 மணியளவில் இரு பேருந்துகள் ஒன்றின் மீது ஒன்று மோதி விபத்து ஏற்பட்டது.

இந்த பயங்கர விபத்தில் 30 பேர் பலியாகினர். 30-க்கும் மேற்பட்டோர் பலத்த காயம் அடைந்து மருத்துவமனையில் அனுமதிக்கப்பட்டுள்ளனர்" என்றனர்.

பாகிஸ்தான் பிரதமர் நவாஷ் ஷெரீப் இந்த விபத்து தன்னை மிகுந்த துயரத்துக்கு உள்ளாக்கியுள்ளது என குறிப்பிட்டுள்ளார்.