நதியில் விழுந்து நொறுங்கிய விமானம்

அமெரிக்காவின் நியூயார்க் நகரில் சிறிய விமானம் ஒன்று ஹட்சன் நதியில் நேற்று முன்தினம் விழுந்து நொறுங்கியது. இதில் விமானி உயிரிழந்தார்.

பி-47 தண்டர்போல்ட் என்ற இந்த விமானம் இரண்டாம் உலகப்போர் காலத்தை சேர்ந்தது. விமான சாகச நிகழ்ச்சி ஒன்றில் இதை பங்கேற்கச் செய்யவிருந்தனர். இதற்கான ஏற்பாடுகளில் ஈடுபட்டபோது, விமானம் ஹட்சன் நதியில் விழுந்து நொறுங்கியது. விபத்து நடந்த பகுதியில் போலீஸார் மற்றும் தீயணைப்பு படையினர் மீட்புப் பணியில் ஈடுபட்டனர். நதியில் பல மணி நேர தேடுத லுக்குப் பிறகு விமானியின் உடலை நீர்மூழ்கி வீரர்கள் மீட்டுவந்தனர்.