6 வீரர்களுடன் சென்ற ஜப்பான் விமானம் மாயம்

தென் மேற்கு ஜப்பானில் 6 ராணுவ வீரர்களுடன் புறப்பட்ட போர் விமானம் மாயமாகியுள்ளது.

யு-125 ரகத்தைச் சேர்ந்த இந்த ஜெட் விமானம் நேற்று மதியம் கியுஷு தீவில், ககோஷிமா விமானப்படைத் தளத்தில் இருந்து புறப்பட்டது. வடக்கு நோக்கி சுமார் 11 கி.மீ. பறந்த பிறகு, இந்த விமானத்தை கட்டுப்பாட்டு அறையில் இருந்து தொடர்பு கொள்ள முடியவில்லை.

இதையடுத்து விமானத்தை தேடும் பணியில் ஹெலிகாப்டர்கள் ஈடுபடுத்தப்பட்டுள்ளன.

இத்தகவலை ஜப்பான் ராணுவ அமைச்சகம் மற்றும் பிற வட்டாரங்கள் தெரிவித்ததாக அரசு செய்தி நிறுவனமான என்.எச்.கே. கூறியுள்ளது.