இந்தோனேசியாவில் 10 பேருடன் சென்ற பயணிகள் விமானம் மாயம்

கிழக்கு இந்தோனேசியாவில் 10 பேருடன் சென்ற பயணிகள் விமானம் மாயமானதாக விமான நிலைய அதிகாரி தெரிவித்துள்ளார்.

இந்தோனேசியாவின் கிழக்கான சுல்வேஷி மாகாணத்திலிருந்து புறப்பட்ட 11 நிமிடத்தில் விமானம் மாயமானதாகவும் அப்போது வானிலை சீராகவே இருந்ததாகவும் விமான போக்குவரத்துத் துறை செய்தித் தொடர்பாளர் ஜூலியஸ் பராட்டா தெரிவித்தார்.

மாகாண தலைநகர் மகாசருக்கு சென்ற அந்த விமானத்தில் 3 குழந்தைகள், விமானக் குழு உள்ளிட்ட 10 பேர் இருந்ததாகவும் அவர் தெரிவித்தார்.

விமானத்தை தேடும் பணியில் தனியார் மீட்பு குழுக்கள் ஈடுபட்டுள்ளன.