அகதிகள் படகு மூழ்கி 38 பேர் பலி?

உள்நாட்டுப் போர் நடைபெற்று வரும் சிரியா, இராக், ஆப்கானிஸ் தான் உள்ளிட்ட நாடுகளில் இருந்து லட்சக்கணக்கான அகதிகள் ஐரோப்பிய நாடுகளில் அடைக்கலம் புகுந்து வருகின்றனர். தற்போதைய நிலையில் கிரீஸ் தீவுகள் மற்றும் துருக்கி நாட்டில் நாள்தோறும் 20 ஆயிரத்துக்கும் மேற்பட்ட அகதிகள் கரையேறி வருகின்றனர்.

இந்நிலையில் கிரீஸ் நாட்டின் லெஸ்பாஸ் தீவுப் பகுதியை நோக்கி 283 அகதிகளுடன் நேற்று மரப் படகு வந்து கொண்டிருந்தது. இந்தப் படகு தீவுக்கு அருகில் நெருங் கியபோது எதிர்பாராதவிதமாக கடலில் மூழ்கியது.

கிரீஸ் கடலோர காவல் படையினர் விரைந்து செயல் பட்டு 242 பேரை மீட்டனர். 3 பேரின் சடலங்கள் கண்டெடுக்கப்பட்டன. மேலும் 38 பேரை காணவில்லை. அவர்கள் உயிரிழந்திருக்கக்கூடும் என்று அஞ்சப்படுகிறது.