இத்தாலியில் கரோனா வைரஸ் பலி 20,465 ஆக அதிகரிப்பு

இத்தாலியில் கரோனா வைரஸ் தொற்றுக்குப் பலியானவர்கள் எண்ணிக்கை 20,465 ஆக அதிகரித்துள்ளது.

இதுகுறித்து இத்தாலி சிவில் பாதுகாப்பு அமைப்பின் தலைவர் ஏஞ்சலோ போரேலி கூறுகையில், “இத்தாலியில் கரோனா வைரஸ் தொற்று பாதிப்புக்குப் பலியானவர்கள் எண்ணிக்கை 20,465 ஆக அதிகரித்துள்ளது. கடந்த 24 மணிநேரத்தில் இத்தாலியில் 566 பேர் பலியாகியுள்ளனர். மேலும் கரோனா தொற்றுக்கு இத்தாலியில் 1,03,616 பேர் பாதிக்கப்பட்டுள்ளனர்” என்று தெரிவித்துள்ளார்.

மேலும், பிப்ரவரி 21 ஆம் தேதி முதல் 35,435 பேர் குணமடைந்துள்ளதாகவும், 3 ஆயிரத்துக்கும் அதிகமானவர்கள் தீவிர சிகிச்சைப் பிரிவில் இருப்பதாகவும் தெரிவிக்கப்பட்டுள்ளது.

சீனாவின் வூஹான் நகரிலிருந்து பரவிய கரோனா வைரஸ் அமெரிக்கா, இத்தாலி, ஸ்பெயின், பிரான்ஸ் ஆகிய நாடுகளில் அதிகப்படியான பாதிப்பை ஏற்படுத்தியுள்ளது. இந்த நிலையில் கரோனா தொற்றைக் கட்டுப்படுத்த கடந்த மாதம் முதல் ஊரடங்கு உத்தரவை பெரும்பாலான நாடுகள் பிறப்பித்துள்ளன.

கரோனா வைரஸ் உலகம் முழுவதும் 200க்கும் மேற்பட்ட நாடுகளில் பாதிப்பை ஏற்படுத்தியுள்ளது. உலகம் முழுவதும் கரோனா வைரஸால் 19,25,384 பேர் பாதிக்கப்பட்டுள்ளனர். 1,19,718 பேர் கரோனா தொற்றுக்குப் பலியாகியுள்ளனர.