இராக்கில் முக்கிய நகரை ஐ.எஸ். கைப்பற்றியது: சண்டையில் 500 பேர் பலி, ஆயிரக்கணக்கானோர் தப்பியோட்டம்

இராக்கில் முக்கிய நகரான ரமாடியை ஐ.எஸ். தீவிரவாதிகள் கைப்பற்றியுள்ளனர். இதில் அரசுப் படைகளுக்கும் ஐ.எஸ். தீவிரவாதி களுக்கும் இடையே நடைபெற்ற சண்டையில் சுமார் 500-க்கும் மேற் பட்டோர் கொல்லப்பட்டுள்ளனர்.

ரமாடி நகரம் ஐ.எஸ். கட்டுப் பாட்டின் கீழ் வந்திருப்பதால் அந்த நகரைச் சேர்ந்த ஆயிரக்கணக்கான மக்கள் புகலிடம் தேடி இராக்கின் வேறு பகுதிகளுக்கு இடம்பெயர்ந்து வருகின்றனர்.

சிரியா, இராக்கின் பெரும்பகுதி ஐ.எஸ். தீவிரவாதிகளின் கட்டுப் பாட்டில் உள்ளது. அவர்கள் இராக் தலைநகர் பாக்தாத் நோக்கி முன்னேறி வருகின்றனர். அவர் களைக் கட்டுப்படுத்த இராக் ராணு வத்துக்கு உதவியாக அமெரிக்க கூட்டுப் படையினர் வான்வழி தாக்கு தலை நடத்தி வருகின்றனர்.ஆனால் தரைமார்க்கமாக ஐ.எஸ். தீவிர வாதிகள் தொடர்ந்து முன்னேறி வரு கின்றனர். இராக்கின் முக்கிய நகரான ரமாடி அரசு கட்டுப்பாட்டின் கீழ் இருந்தது. அந்த நகரைக் கைப் பற்ற ஐ.எஸ். தீவிரவாதிகள் பல மாதங்களாக போரிட்டு வந்தனர்.

அங்கு கடந்த ஒரு மாதமாக இரு தரப்புக்கும் இடையே தீவிர போர் நடைபெற்றது. தற்போது ரமாடி நகரம் முழுவதும் ஐ.எஸ். தீவிரவாதிகளின் கட்டுப்பாட்டின் கீழ் வந்துள்ளது.இருதரப்புக்கும் இடையே நடைபெற்ற சண்டை யில் சுமார் 500-க்கும் மேற்பட்டோர் உயிரிழந்துள்ளனர். அந்த நகரைச் சேர்ந்த ஆயிரக்கணக்கான மக்கள் புகலிடம் தேடி குடும்பம் குடும்பமாக இடம்பெயர்ந்து வருகின்றனர்.

இது இராக் படைகளுக்கும் அமெரிக்க கூட்டுப் படைகளுக்கும் மிகப் பெரிய பின்னடைவாகக் கருதப்படுகிறது. இதுகுறித்து அமெரிக்க வெளியுறவுத் துறை அமைச்சர் ஜான் கெர்ரி கூறிய போது, ஐஎஸ். தீவிரவாதிகளுக்கு எதிரான போரில் சிறிது பின்னடைவு ஏற்பட்டுள்ளது. எனினும் அந்த தீவிரவாத அமைப்பை முற்றிலு மாக ஒழிப்போம் என்று நம்பிக்கை தெரிவித்தார்.

தலைநகர் பாக்தாதில் இருந்து 100 கி.மீட்டர் தொலைவில் ரமாடி நகரம் உள்ளது. அந்த நகரம் முழுவதும் ஐ.எஸ். வசமாகி இருப்பதால் தலைநகரில் பலத்த பாதுகாப்பு ஏற்பாடுகள் செய்யப்பட்டுள்ளன.

பாக்தாத்துக்கு குறி

சிரியா, இராக்கின் பெரும்பகுதி ஐ.எஸ். தீவிரவாதிகளின் கட்டுப்பாட்டில் உள்ளது. அவர்கள் இராக் தலைநகர் பாக்தாத் நோக்கி முன்னேறி வருகின்றனர். அவர்களைக் கட்டுப்படுத்த இராக் ராணு வத்துக்கு உதவியாக அமெரிக்க கூட்டுப் படையினர் வான்வழி தாக்குதலை நடத்தி வருகின்றனர்.