மியான்மரில் படகு விபத்து: 41 பேர் பலி; 21 பேர் மாயம்

மியான்மரின் ராகினே நகரில் படகு ஒன்று விபத்துக்குள்ளானதில் 41 பேர் பலியாகினர், 21 பேரை காணவில்லை. விபத்துக்குள்ளான படகில் 214 பயணிகள் பயணம் செய்தனர்.

கியாபிக்யூ துறைமுகம் நோக்கிச் சென்று கொண்டிருந்த படகு நடுக்கடலில் சென்று கொண்டு இருந்த போது கவிழ்ந்து விபத்துக்குள்ளானது.

மீட்புக்குழுவினர் விரைந்து சென்று கடலில் மூழ்கிய 167 பேரை உயிருடன் மீட்டனர். மேலும் 20 பேரின் உடல்கள் மீட்கப்பட்டன. மேலும் பலரை காணவில்லை. இந்த விபத்தில் 50 பேர் பலியாகி இருக்கலாம் என்று கூறப்படுகிறது. அளவுக்கு அதிக அளவில் பயணிகளை ஏற்றியது விபத்துக்கு காரணமாக இருக்கலாம் எனக் கூறப்படுகிறது.