பாகிஸ்தானில் இதுவரை நடந்த பெரிய தாக்குதல்கள்

பாகிஸ்தானில் கடந்த சில ஆண்டுகளில் நடைபெற்ற தீவிர வாத தாக்குதல்கள் குறித்த விவரம் வருமாறு:

2014 நவம்பர் 2:

வாகா எல்லையில் தலிபான் தற்கொலைப் படை தீவிரவாதி நடத்திய தாக்குதலில் 60 பேர் உயிரிழந்தனர்.

2014 ஜூன் 9:

பாகிஸ்தானின் கராச்சி விமான நிலையத்தில் புகுந்த தீவிரவாதிகள் 13 பேரை சுட்டுக் கொன்றனர். தாக்குதல் நடத்திய 9 தீவிரவாதிகளையும் பாதுகாப்பு படையினர் சுட்டு வீழ்த்தினர்.

2014 ஜூன் 8:

ஈரானுக்கு புனித பயணத்தை நிறைவு செய்து கராச்சி விமான நிலையம் திரும்பிய 23 ஷியா முஸ்லிம்கள் தற்கொலை படை தாக்குதலில் பலியாகினர்.

2013 செப்டம்பர் 22:

பெஷாவர் நகர் தேவாலயத்தில் இரண்டு தற்கொலைப் படை தீவிரவாதிகள் வெடித்துச் சிதறியதில் 85 பேர் உயிரிழந்தனர்.

2013 ஆகஸ்ட் 17:

பாகிஸ்தான் விமான தளத்தின் மீது தீவிரவாதிகள் நடத்திய தாக்குதலில் 2 பாதுகாப்புப் படை அதிகாரிகள் பலியாகினர். 9 தீவிரவாதிகள் சுட்டுக் கொல்லப் பட்டனர்.

2013 ஜூன் 22:

நங்கபர்வதம் மலைச்சிகரத்தில் ஏறிய 10 வெளிநாட்டு மலையேற்ற வீரர்களை தீவிரவாதிகள் சுட்டுக் கொன்றனர்.

2013 மார்ச் 3:

கராச்சி மசூதியில் நிகழ்த்தப்பட்ட குண்டுவெடிப்பில் 45 ஷியா முஸ்லிம்கள் உயிரிழந்தனர்.

2013 ஜனவரி 10:

குவாட்டா நகரில் தீவிரவாதிகள் நடத்திய தாக்குதலில் 81 ஷியா முஸ்லிம்கள் கொல்லப்பட்டனர். 120 பேர் படுகாயம் அடைந்தனர்.

2012 நவம்பர் 22:

ராவல்பிண்டியில் ஷியா முஸ்லிம்கள் ஊர்வலத்தில் தலிபான் தற்கொலை படை தீவிரவாதி நடத்திய தாக்குதலில் 23 பேர் பலியாகினர்.

2012 ஜனவரி 5:

தலிபான்கள் பிணைக்கைதியாக பிடித்து வைத்திருந்த 15 எல்லை பாதுகாப்பு படையினரை சுட்டுக் கொன்றனர்.

2011 செப்டம்பர் 20:

குவெட்டா நகரில் பயணிகள் பஸ் மீது தீவிரவாதிகள் நடத்திய தாக்குதலில் 23 ஷியா முஸ்லிம்கள் உயிரிழந்தனர்.

2011 மே 13:

ஷாப்குவாதர் நகரில் போலீஸ் ஆள்தேர்வு முகாமில் தீவிர வாதிகள் நடத்திய தாக்குதலில் 80 பேர் கொல்லப்பட்டனர்.

2010 நவம்பர் 5:

தாரா ஆதம் கெல் நகரில் உள்ள மசூதியில் தற்கொலைப் படை தீவிரவாதி வெடித்துச் சிதறியதில் தொழுகையில் ஈடுபட்டிருந்த 67 பேர் உயிரிழந்தனர்.

2010 செப்டம்பர் 1:

குவாட்டா நகரில் தலிபான் தீவிரவாதிகள் நடத்திய தாக்குதலில் 65 பேர் உயிரிழந்தனர்.

2010 ஜூலை 9:

முகமது பழங்குடியின பகுதியில் 2 தற்கொலைப் படை தீவிரவாதிகள் நடத்திய தாக்குதலில் 102 பேர் பலியாகினர்.