சீன பேருந்து விபத்தில் 36 பேர் பலி

சீனாவில் சுரங்க பாதை ஒன்றில் நடந்த பேருந்து விபத்தில் 36 பேர் பலியாகினர். 13 பேர் காயமடைந்தனர்.

இதுகுறித்து சீன ஊடகம், ”சீனாவின் வடக்கு பகுதியிலுள்ள ஷான்சி மாகாணத்தில் வியாழக்கிழமை இரவு பயணிகள் சென்ற பேருந்து ஒன்று சுவற்றின் மீது மோதி விபத்துக்குள்ளானது. அதில் பயணம் செய்த 36 பேர் பலியாகினர். 13 பேர் காயமடைந்து மருத்துவமனையில் அனுமதிக்கப்பட்டுள்ளனர்” என்று செய்தி வெளியிட்டுள்ளது.

சீனாவை பொறுத்தவரை சாலை விபத்துகள் இயல்பாக அதிகம் ஏற்படும்.  எனினும் சமீப காலங்களில் நடைபெறும் தொடர் சாலை விபத்துகளால் உயிரிழப்புகள் அதிகரித்து வருவது சீன அரசை கவலை அடைய செய்துள்ளது.