தீவிரவாதத் தாக்குதலில் 4 பாகிஸ்தான் அதிகாரிகள் கொல்லப்பட்டனர்

பாகிஸ்தான் - ஆப்கன் எல்லையில் தீவிரவாதிகள் நடத்திய தாக்குதலில், மேஜர் உட்பட 4 பாகிஸ்தான் அதிகாரிகள் கொல்லப்பட்டதாக அந்நாட்டு ராணுவம் தெரிவித்துள்ளது.

இதுகுறித்து பாகிஸ்தான் ராணுவம் வெளியிட்டுள்ள அறிக்கையில், ''திர் பழங்குடியின எல்லையில் புதன்கிழமை காலை நடந்த தாக்குதலில் ஒரு தீவிரவாதி தன்னைத் தானே அழித்துக்கொண்டார்.

மற்றொரு தீவிரவாதி சுட்டுக் கொல்லப்பட்டார். தேடுதல் வேட்டையில் ஒரு தீவிரவாதி பிடிக்கப்பட்டார்.

பெரியளவிலான இந்த தாக்குதல் முயற்சி முறியடிக்கப்பட்டது'' என்று தெரிவிக்கப்பட்டுள்ளது.

பாகிஸ்தான் மற்றும் ஆப்கன் இடையிலான எல்லை தாண்டிய தாக்குதலை கிளர்ச்சியாளர்கள் நடத்தாத வகையில், தீவிரவாதிகளுக்கு எதிரான நடவடிக்கையில்  பாகிஸ்தான் ராணுவம் ஈடுபட்டு வருவது குறிப்பிடத்தக்கது.