எகிப்தில் தீவிரவாதிகள் தாக்குதலில் 23 ராணுவ வீரர்கள் பலி

எகிப்தில் தீவிரவாதிகள் நடத்திய துப்பாக்கிச் சூடு மற்றும் கார் குண்டுவெடிப்பு தாக்குதலில் 23 ராணுவ வீரர்கள் பலியாகினர்.

இதுகுறித்து பாதுகாப்பு அதிகாரிகள் தரப்பில், "எகிப்தில் வடகிழக்கிலுள்ள சினய் தீபகற்பத்தில் உள்ள ராணுவ சோதனைச் சாவடியில் வெள்ளிக்கிழமை பிற்பகுதியில் தீவிரவாதிகள் நடத்திய துப்பாக்கிச் சூடு மற்றும் கார் குண்டு வெடிப்பு தாக்குதலில் 23 ராணுவ வீரர்கள் பலியாகினர்.

ராணுவத் தரப்பிலும் பதில் தாக்குதல் கொடுக்கப்பட்டது. பலர் காயமடைந்து மருத்துவமனையில் அனுமதிக்கப்பட்டுள்ளனர்" என்று தெரிவிக்கப்பட்டுள்ளது.

இந்தத் தீவிரவாதத் தாக்குதலுக்கு ஐஎஸ் தீவிரவாத இயக்கம் பொறுப்பேற்றுள்ளது.