நேபாளத்தில் பேருந்து விபத்து: 10 பேர் பலி, 30 பேர் காயம்

நேபாளத்தில் இரண்டு பேருந்துகள் ஒன்றோடு ஒன்று மோதி விபத்துக்களானதில் 10 பேர் பலியாகினர். மேலும் இந்த விபத்தில் 30 பேர் படுகாயம் அடைந்தனர்.

நேபாளத்தின் மக்வான்பூர் மாவட்டத்தில் இன்று (சனிக்கிழமை) அதிகாலை தேசிய நெடுஞ்சாலையில் எதிரெதிரே வந்த 2 பேருந்துகள் ஒன்றோடு ஒன்று மோதி பயங்கர விபத்து ஏற்பட்டது.

இந்த பயங்கர விபத்தில் ஒரு ரஷ்ய நாட்டு பெண் உட்பட 10 பேர் பலியாகினர். மேலும் 30 பேர் படுகாயங்களுன் மருத்துவமனைகளில் அனுமதிக்கப்பட்டுள்ளனர்.