பாகிஸ்தானில் லேசான நிலநடுக்கம்

பாகிஸ்தானின் இஸ்லமாபாத், லாகூர் உள்ளிட்ட இடங்களில் லேசான நிலநடுக்கம் ஏற்பட்டது. இந்த நிலநடுக்கம் ரிக்டர் அளவுகோலில் 5.5-ஆக பதிவாகியது.

இதுகுறித்து பாகிஸ்தானின் துனியா செய்தி நிறுவனம் வெளியிட்ட செய்தியில், "பாகிஸ்தானில் இன்று (செவ்வாய்க்கிழமை) இஸ்லமாபாத், லாகூர் உள்ளிட்ட இடங்களில் லேசான நிலநடுக்கம் ஏற்பட்டது. இந்த நில நடுக்கம் ரிக்டர் அளவுகோலில் 5.5-ஆக பதிவாகியதாக அமெரிக்க புவியியல் மையம் தெரிவித்துள்ளது" என்று கூறப்பட்டுள்ளது.

நிலநடுக்கத்தினால் ஏற்பட்ட அதிர்வுகளால் மக்கள் அனைவரும் வீடுகளை விட்டு வெளியேறி சாலைகளில் கூட்டமாக திரண்டிருந்தனர். இந்த நில நடுக்கத்தினால் ஏற்பட்ட பாதிப்புகள் குறித்த தகவல் ஏதும் இதுவரை வெளிவரவில்லை.