வடகொரியாவின் அணுஆயுத சோதனைகள் எங்களுக்கான நேரடி அச்சுறுத்தல்: ரஷ்யா

வடகொரியாவின் அணுஆயுத சோதனைகள் ரஷ்யாவுக்கான நேரடியான அச்சுறுத்தல் என்று அந்நாடு கூறியுள்ளது.

வடகொரியாவின் அணுஆயுத சோதனை நடவடிக்கைகள் உலக நாடுகள் பலவற்றை கவலையடையச் செய்துள்ளது. அமெரிக்கா, ஜப்பான், தென் கொரியா உள்ளிட்ட நாடுகள் வடகொரியாவின் மீது பொருளாதார தடைகளை அதிகரிக்க வேண்டும் என்று வலியுறுத்தி வருகின்றன.

இந்த நிலையில் வடகொரியாவின் அணுஆயுத சோதனைகள் எங்களுக்கான நேரடி அச்சுறுத்தல் என்று ரஷ்யா கூறியுள்ளது.

இது குறித்து ரஷ்ய பாதுகாப்புத் துறை அமைச்சர் தரப்பில், "வடகொரியாவின் அணுஆயுத ஏவுகணை சோதனைகள் வெறும் சோதனைகள் மட்டுமல்ல. அது எச்சரிக்கையின் அறிகுறி. ரஷ்யாவுக்கான நேரடியான அச்சுறுத்தல்" என்று தெரிவிக்கப்பட்டுள்ளது.