இந்தோனேசிய நிலச்சரிவில் 17 பேர் மாயம்

இந்தோனேசியாவில் ஏற்பட்ட நிலச்சரிவில் 17 பேர் காணாமல் போனதாக தகவல்கள் தெரிவிக்கின்றன.

இதுகுறித்து இந்தோனேசிய தேசிய பேரிடர் மேலாண்மை மையம், "இந்தோனேசியாவில் போனோரோகா மாவட்டத்தில் இன்று (சனிக்கிழமை) காலை ஏற்பட்ட நிலச்சரிவில் 30 வீடுகள் பாதிப்படைந்தன. இதில் 17 பேர் காணாமல் போகியுள்ளனர். அவர்களை தேடும் பணி தீவிரமாக முடுக்கிவிடப்பட்டுள்ளது" என்று தெரிவிக்கப்பட்டுள்ளது.

கடந்த பிப்ரவரி மாதம் இந்தோனேசியாவில் ஏற்பட்ட நிலச்சரிவில் 3 குழந்தைகள் உட்பட 12 பேர் பலியாகினர் என்பது குறிப்பிடத்தக்கது.