லெபனானைத் தொடர்ந்து காசாவிலும் விரைவில் போர் நிறுத்தம்: ஜனவரிக்குள் ஏற்படும் என அமெரிக்கா நம்பிக்கை

வாஷிங்டன்: அதிபர் ஜோ பைடனின் பதவிக் காலம் வரும் ஜனவரி மாதம் முடிவதற்குள், காசாவில் போர் நிறுத்தம் ஏற்படும் என்று அமெரிக்கா நம்பிக்கை தெரிவித்துள்ளது.

இஸ்ரேல் ராணுவத்​துக்​கும் பாலஸ்​தீனத்​தின் காசா பகுதியை சேர்ந்த ஹமாஸ் தீவிர​வா​தி​களுக்​கும் கடந்த ஆண்டு அக்டோபர் முதல் போர் நடந்து வருகிறது. காசா பகுதி​யில் இதுவரை 44,282 பேர் உயிரிழந்​துள்ளனர். ஒரு லட்சத்​துக்​கும் மேற்​பட்​டோர் படுகாயம் அடைந்​துள்ளனர். இந்த சூழலில் எகிப்து அரசின் சமரசத்
​தின் ​பேரில் இஸ்ரேல் - காசா இடையே போர் நிறுத்த ஒப்பந்​தத்தை ஏற்படுத்த தீவிர முயற்சி மேற்​கொள்​ளப்​பட்டு வருகிறது. இதுதொடர்பாக எகிப்து அரசின் உயர்​நிலைக் குழு இஸ்ரேலின் டெல் அவிவ் நகரில் நேற்று முக்கிய பேச்சு​வார்த்​தை நடத்​தி​யது.

கடந்த ஆண்டு அக்டோபர் 7-ம் தேதி ஹமாஸ் தீவிர​வா​திகள் இஸ்ரேலில் நடத்திய தாக்​குதலில் 254 இஸ்ரேலியர்கள் பிணைக் கை​தியாக பிடித்​துச் செல்​லப்​பட்​டனர். இதில் 154 பேர் விடுதலை செய்​யப்​பட்டுள்ளனர். இன்ன​மும் 100 பேர் ஹமாஸ் தீவிர​வா​திகளின் பிடி​யில் உள்ளனர். அவர்களை விடுவிக்க, இஸ்ரேல் சிறை​களில் உள்ள 1,000 ஹமாஸ் தீவிர​வா​திகளை விடுதலை செய்ய வேண்​டும் என்று கோரப்​பட்டுள்ளது.

இவை உட்பட பல்வேறு விவகாரங்கள் குறித்து பேச்சு​வார்த்தை நடைபெற்று வருகிறது. இதுகுறித்து ஹமாஸ் வட்டாரங்கள் கூறும்​போது, “லெபனான் உடன் எந்த நிபந்​தனை​யும் இன்றி இஸ்ரேல் அரசு போர் நிறுத்த ஒப்பந்​தம் மேற்​கொண்​டிருக்​கிறது. காசா​விலும் போர் நிறுத்​தத்தை அமல்​படுத்த விரும்​பு​கிறோம். ஆனால், இஸ்ரேல் அரசு போர் நிறுத்​தத்தை விரும்ப​வில்லை” என்று தெரி​வித்தன.

இதுகுறித்து அமெரிக்க அரசு வட்​டாரங்​கள் கூறும்​போது, “தற்​போதைய அமெரிக்க அ​திபர் ஜோ பைடனின் பதவிக் ​காலம் வரும் ஜனவரி​யில் முடிவடைகிறது. அதற்​குள் ​காசா​வில் ​போர் நிறுத்​தம் அமலாகும். இதுதொடர்​பாக இஸ்​ரேல்​ அரசு - ​காசா நிர்​வாகம்​ இடையே ​விரை​வில்​ ஒப்​பந்​தம்​ கையெழுத்​தாகும்​” என்​று தெரி​வித்​தன. இதற்கிடையில், கடந்த ஆண்டு அக்டோபர் முதல் இஸ்ரேல் ராணுவத்​துக்​கும், லெபனானின் ஹிஸ்​புல்லா தீவிர​வா​தி​களுக்​கும் இடையே போர் நீடித்து வந்தது. கடந்த செப்​டம்பர் 27-ம் தேதி லெபனான் தலைநகர் பெய்​ரூட்​டில் இஸ்ரேல் விமானப்படை நடத்திய தாக்​குதலில் ஹிஸ்​புல்லா தலைவர் ஹசன் நஸ்ரல்லா உயிரிழந்​தார். இதைத்தொடர்ந்து இரு நாடு​களுக்​கும் இடையே போர் தீவிரமடைந்​தது.

இந்த சூழலில் அமெரிக்கா, பிரான்ஸின் சமரச முயற்​சி​யால் இஸ்ரேலுக்​கும், லெபனானுக்​கும் இடையே நேற்று முன்​தினம் போர் நிறுத்த ஒப்பந்தம் கையெழுத்​தானது. இதுகுறித்து இஸ்ரேல் ராணுவ வட்டாரங்கள் கூறும்​போது, “எல்​லைப் பகுதி​களில் இருந்து 40 கி.மீ. தொலை​வுக்கு ஹமாஸ் தீவிர​வா​திகள் பின்​வாங்க வேண்​டும். அந்த பகுதி​களில் ஐ.நா. அமைதிப் படை வீரர்கள் பாது​காப்பு பணியில் ஈடுபடு​வார்கள். லெபனானில் இருந்து இஸ்ரேல் படைகள் முழு​மையாக வாபஸ் பெறப்​படும். 28-ம் தேதி அதிகாலை முதல்போர் நிறுத்தம் அமலுக்கு வந்துள்ளது. எனினும், லெபனானில் இருந்து இஸ்ரேல் படைகள் முழு​மையாக வெளியேற சில நாட்கள் ஆகலாம். இந்த போர் நிறுத்தம் 60 நாட்கள் அமலில் இருக்​கும்” என்று தெரி​வித்தன.

இதுகுறித்து லெபனான் அரசு வட்டாரங்கள் கூறும்போது, ‘‘போர் நிறுத்தம் அமலுக்கு வந்திருப்​ப​தால் பல்லா​யிரக்​கணக்கான மக்கள் வீடு​களுக்கு திரும்பி வருகின்​றனர். பெய்​ரூட்​டில் பெரும்​பான்​மையான வீடுகள் இடிந்து தரைமட்​ட​மாகி இருப்​ப​தால் புதிய வீடுகளை கட்ட சர்வதேச நாடு​களின் உதவியை எதிர்​பார்க்​கிறோம்’’ என்று தெரிவித்தன.

இஸ்ரேல் ட்ரோன் தாக்குதல்: தெற்கு லெபனான் பகுதியில் இஸ்ரேல் ராணுவ வீரர்கள் முகாமிட்டு உள்ளனர். போர் நிறுத்தம் அமலுக்கு வந்த நிலையில் அப்பகுதியில் சில மர்மநபர்கள் நேற்று வாகனத்தில் ஆயுதங்களுடன் வந்தனர். அவர்களை குறிவைத்து இஸ்ரேல் ராணுவம் ட்ரோன் மூலம் தாக்குதல் நடத்தியது. இதில் 2 பேர் படுகாயம் அடைந்தனர்.