ஆப்கானிஸ்தானில் தலிபான்கள் தாக்குதல்: 14 போலீஸார் பலி

ஆப்கானிஸ்தானில் தலிபான் தீவிரவாதிகள் நடத்திய தாக்கிதலில் 14 போலீஸார் பலியாகினர்.

இதுகுறித்து ஆப்கான் போலீஸார் தரப்பில், ''ஆப்கானிஸ்தான் காஸினி மாகாணத்தில் இன்று (செவ்வாய்க்கிழமை) பல்வேறு இடங்களில் தீவிரவாதிகள் தாக்குதல் நடத்தினர். இதில் திக் யாக் மாவட்டத்தில் 7 பேரும், ஜகாட்டு மாவட்டத்தில் 7 பேரும் பலியாகினர். இதில் பலியானவர்கள் அனைவரும் பாதுகாப்பு படையினர்'' என்று தெரிவிக்கப்பட்டது.

இந்தத் தாக்குதலுக்கு தலிபான்கள் பொறுப்பேற்றுக் கொண்டனர்.

ஆப்கானிஸ்தானைத் தலிபான் தீவிரவாதிகள் பிடித்து வைத்துக்கொண்டு பயங்கர கட்டுப்பாடுகள் விதித்தனர். அமெரிக்க தலைமையிலான நேட்டோ படைகளின் அதிரடி நடவடிக்கைகளால் கடந்த 2001-ம் ஆண்டு தலிபான்கள் பிடியில் இருந்து ஆப்கன் விடுவிக்கப்பட்டது.

எனினும், ஆப்கானிஸ்தானில் அண்மைக்காலமாக ராணுவத்தினர், போலீஸாரை குறிவைத்து தலிபான் தீவிரவாதிகள் தாக்குதல் நடத்தி வருவது குறிப்பிடத்தக்கது.

இதை படிக்க மறந்துடாதீங்க...

பாட்மிண்டன் வீரர் ஸ்ரீகாந்தின் ஆசையை நிறைவேற்றிய தோனி