பெரூவில் கடலுக்கு அடியில் பயங்கர நிலநடுக்கம்

பெரூ நாட்டில் கடலுக்கு அடியில் பயங்கர நிலநடுக்கம் ஏற்பட்டுள்ளது, இதனையடுத்து சுனாமி எச்சரிக்கை விடுக்கப்பட்டு பின்பு வாபஸ் பெறப்பட்டது.

ரிக்டர் அளவுகோலில் 7.3 என்று இந்த் நிலநடுக்கம் பதிவானதாக அமெரிக்க புவியியல் ஆய்வு மையம் தெரிவித்துள்ளது. இதனையடுத்து பெரூ கடற்கரை ஊர்கள் சிலவற்றுக்கும், சிலிக்கும் சுனாமி எச்சரிக்கை விடுக்கப்பட்டுள்ளன. ஆனால் பிற்பாடு பசிபிக் சுனாமி எச்சரிக்கை மையம் எச்சரிக்கையை வாபஸ் பெற்றது.

இந்த நிலநடுக்கத்தின் மையம் அகாரியிலிருந்து தென் தென்மேற்காக 42 கிமீ தொலைவில் இருந்தது. 12.1கிமீ ஆழத்தில் இந்த நிலநடுக்கம் ஏற்பட்டுள்ளது.

பசிபிக் சுனாமி எச்சரிக்கை மையம் சில கடற்கரைகளுக்கு ‘கடும் சுனாமி அலைகள்’ ஏற்படும் என்றும் சில இடங்களில் 0.3 மீட்டர் முதல் 1 மீட்டர் உயரம் வரை அலை உருவாகும் என்றும் சிலியில் 0.3மீ-க்கும் குறைவான உயர அலை ஏற்படலாம் என்றும் எச்சரித்து பிற்பாடு சுனாமி எச்சரிக்கை திரும்பப் பெறப்பட்டது.