ஆப்கானிஸ்தானில் தீவிரவாதிகள் தாக்குதல்: 32 பேர் பலி

தென்கிழக்கு ஆப்கானிஸ்தானில் போலீஸ் பயிற்சி நிலையத்தில் தீவிரவாதிகள் நடத்திய துப்பாக்கிச் சூடு மற்றும் குண்டுவெடிப்பில் 32 பேர் பலியாகினர். 70க்கும் மேற்பட்டோர் காயமடைந்தனர்.

இதுகுறித்து ஆப்கானிஸ்தான் உள்துறை அமைச்சகம் தரப்பில், "ஆப்கானிஸ்தானின் தென்கிழக்கு பகுதியிலுள்ள போலீஸ் பயிற்சி நிலையத்தின் அருகே துப்பாக்கிச் சூடு மற்றும் குண்டு வெடிப்பில் பெண்கள், குழந்தைகள், போலீஸார் உட்பட 32 பேர் பலியாகினர். 70க்கும் மேற்பட்டோர் காயமடைந்து மருத்துவமனையில் அனுமதிக்கப்பட்டுள்ளனர்.

தாக்குதல் நடத்திய தீவிரவாதிகளுடம் பாதுகாப்புப் படையினர் சண்டையிட்டதில் 6 தீவிரவாதிகள் கொல்லப்பட்டனர்” என்று கூறப்பட்டுள்ளது.

மருத்துவமனையில் அனுமதிக்கப்பட்டவர்களில் பலரது நிலைமை கவலைக்கிடமாக உள்ளதால் பலி எண்ணிக்கை அதிகரிக்கும் என்று எதிர்ப்பார்க்கப்படுகிறது.