ஜூலை 8: இன்று என்ன? - இந்தியாவை நோக்கி வாஸ்கோடகாமாவின் பயணம்

பல நூற்றாண்டுகளுக்கு முன்பு ஐரோப்பியர்களுக்கு இந்தியா என்பது பெரிய இலக்கு. இந்தியாவின் வளமும் செல்வச்செழிப்புமே அதற்கு முக்கியக் காரணம். இந்தியாவுக்கான புதிய கடல்வழியை கண்டுபிடித்த போர்ச்சுக்சீயர் வாஸ்கோடகாமா.

1497-ல் ஜூலை 8 அன்று பயணம் தொடங்கியவர் 1498 மே 20-ம் தேதி கேரளத்தின் கோழிக்கோட்டை அடைந்தார். கோழிக்கோடு மன்னர் சாமரின் வாஸ்கோடகாமாவை வரவேற்றார்.

இந்தியாவில் மூன்று மாதங்கள் தங்கிய வாஸ்கோடகாமா திரும்பிச் செல்லும்போது விலை உயர்ந்த பொருட்களை கொண்டு சென்றார்.

அதன் பிறகு இரண்டாம் முறையாக 1501-ல் இந்தியா வந்தார். இரண்டாவது முறை கேரளம் கண்ணூரில் போர்ச்சுக்கீசிய வணிகத் தலம் ஒன்றை நிறுவினார். இந்தியாவில் காலனியாதிக்கத்துக்கு முதல் அடியெடுத்து வைக்கப்பட்டது அப்படித்தான்.