இன்று என்ன? - பிரபல கவிஞர் கலீல் ஜிப்ரான் பிறந்த தினம்

உலகம் போற்றும் கவிஞர்களின் வரிசையில் என்றும் நிலைத்திருக்கக் கூடியவர் கவிஞர் கலீல் ஜிப்ரான். லெபனானிய- அமெரிக்கா எழுத்தாளரான இவரது கவிதைகள், கதைகளின் தாக்கம் உலகம் முழுவதும் விசாலம் அடைந்துள்ளன.

இவர் 1883-ம் ஆண்டு ஜனவரி 6-ம் தேதி லெபனான் நாட்டில் உள்ள ஷர்ரீ எனும் கிராமத்தில் பிறந்தார். ஜிப்ரான் கவிஞர் மட்டுமல்லாமல் சிறந்த ஓவியரும் ஆவார். மேலும் இவர் ‘நைம்ப்ஸ் ஆஃப் தி வேலி’, ‘ஏ டியர் அண்டு ஏ ஸ்மைல்’, ‘ஸ்பிரிட் ரிபேலியஸ்’, ‘பிரோக்கன் வின்ஸ்’ உள்ளிட்ட பல நூல்களை எழுதியுள்ளார்.

இவரது ‘தி ப்ராஃபட்’ (தீர்க்கதரிசி) எனும் நூல் மிகப் பிரபலமானது. இந்த நூல் உலகில் நூற்றுக்கும் அதிகமான மொழிகளில் மொழிபெயர்ப்பு செய்யப்பட்டுள்ளது.