இதழியலில் புரட்சி செய்த சுப்ரமணியன்

‘தி இந்து’ ஆங்கில நாளிதழை தொடங்கிய ஜி.சுப்ரமணியன் 1855 ஜனவரி 19-ம் தேதி தஞ்சாவூர் மாவட்டம் திருவடியில் பிறந்தார். 1871-ல் தஞ்சையில் உள்ள செயின்ட் பீட்டர்ஸ் மெட்ரிகுலேஷனில் பள்ளிப் படிப்பை முடித்தார். 1879-ல் ஆங்கிலோ வெர்னாகுலர் பள்ளியின் தலைமை ஆசிரியராக பணியாற்றினார். பின்னர், இந்திய வளத்தை சுரண்டும் ஆங்கிலேயர்களிடமிருந்து இந்தியா விடுதலை பெற வேண்டும் என்பதை நோக்கமாக கொண்டு எம்.வீரராகவாச்சாரியார், டி.டி.ரங்காச்சாரியாருடன் இணைந்து 1878 செப்டம்பர் 20-ம் தேதி ‘தி இந்து’ ஆங்கில இதழை தொடங்கினார். 1898-ம் ஆண்டு வரை உரிமையாளராகவும், மேலாண்மை இயக்குநராகவும், பதிப்பாளராகவும், ஆசிரியராகவும் செயல்பட்டார்.

இந்திய விடுதலை பிரச்சாரத்திற்கான கருவியாக இந்த பத்திரிகையை பயன்படுத்தினார். 1891-ல்
சுதேசமித்திரன் என்ற பெயரில் தமிழ் நாளிதழை தொடங்கினார். தீண்டாமை ஒழிப்பு, குழந்தை திருமண தடை, மறுமணம் ஆகியவற்றை குறித்து பத்திரிகையில் எழுதினார். அதுமட்டுமின்றி, அனைவருக்கும் முன்னுதாரணமாக அவரது இளைய மகளுக்கு மறுமணம் செய்து வைத்தார்.