ப்ரீமியம்
கனியும் கணிதம் 13: தரவுகளும் தகவல்களும்

‘தரவுகள்’ மற்றும் ‘தகவல்கள்’ இன்றைய நவீன உலகில் மிக முக்கியமான சொல்லாடல் கள். நாம் தினம் தினம் தகவல்களாலும் தரவுகளாலும் மூழ்கி இருக்கிறோம். இது தகவல் தொழில்நுட்ப யுகம் என்றும் கேள்விப்படுகிறோம். தரவுகள் என்றாலே எண்கள்தான். அப்படி என்றால் தகவல்களும் அப்படியா? இரண்டும் ஒன்றா அல்லது வெவ்வேறா?

மாணவராக நீங்கள் ஏராளமான தரவுகளை பார்த்திருப்பீர்கள். உதாரணமாக உங்கள் வகுப்பில் 40 நபர்கள் என வைத்துக்கொள்வோம். 20 பெண் குழந்தைகள், 20 ஆண் குழந்தைகள். 19 நபர்கள் கண்ணாடி அணிந்திருப்பார்கள். திங்கட்கிழமை வருகை 33 பேர், செவ்வாய், புதன் மற்றும் வியாழனில் 36 பேர், வெள்ளிக்கிழமை 32 பேர். தமிழ் பாடத்தில் மாணவர்கள் வாங்கிய மதிப்பெண்கள், ஆங்கிலத்தில், அறிவியலில் கணிதத்தில், சமூக அறிவியலில் ஒவ்வொரு மாணவரும் வாங்கிய மதிப்பெண்கள், இவை எல்லாமே தரவுகள். இவை தகவல்கள் அல்ல.