ப்ரீமியம்
மாறட்டும் கல்விமுறை - 20: நாம் சாதா மனிதர்கள்; குழந்தைகள் மெட்ரோ மனிதர்கள்

என் பேரக்குழந்தைக்கு இரண்டு வயது. எனக்கு அறுபத்தியிரண்டு வயது. அவருடைய சொல்வளமும் என்னுடைய சொல்வளமும் எறும்பும் யானையும் போன்றது. இருந்தாலும் நாங்கள் பேசிக்கொள்கிறோம். எங்களுக்கு இடையே கருத்துப் பரிமாற்றம் அழகாக நடக்கிறது. எந்தப் பிரச்சினையும் இல்லை. குறைந்த எண்ணிக்கைச் சொற்களால், குறைந்த வாக்கிய அமைப்புகளால் இது நடக்கிறது. எப்படி? பார்ப்போம்.

மகள் வெளியே சென்று வரும்போது தின்பண்டம் கொண்டு வருவதுபோல் புத்தகங்களையும் வாங்கி வருவார். அப்படி வாங்கிய புத்தகத்திலுள்ள படங்களைப் பார்த்து அதன் பெயரைக் கூறுவது பேத்திக்கு மிகவும் பிடித்த செயல். முதலில் பெயர் சொல்வார். பிறகு அதைப் பற்றிய தன் அனுபவத்தைப் பகிர்ந்துகொள்வார்.