ப்ரீமியம்
நீங்க ‘பாஸ்' ஆக வேண்டுமா? - 45: நல்ல கடன், கெட்ட கடன் எப்படி கண்டுபிடிப்பது?

கடன் இல்லாத வாழ்வே எல்லோரின் கனவாக இருக்கிறது. அன்றாட வாழ்வின் நெருக்கடிகள், திடீர் செலவினங்களின் காரணமாக கடன் வாங்க வேண்டிய நிலைக்கு தள்ளப்படுகிறோம். உறவினர்களும் நண்பர்களும் உதவாத நிலையில் கடன் கொடுக்கும் வங்கிகள், நிதி நிறுவனங்கள், அடகு கடைகள், வட்டிக்கு விடும் நபர்களை நாடுகிறோம். எவ்வளவு வட்டி என்பதை சரியாக விசாரிக்காமல் கடனில் சிக்கிக் கொள்கிறோம்.

கடன் வாங்குவதற்கு முன் ஒரு முறைக்கு பலமுறை யோசிக்க வேண்டும். நிதி விவகாரங்களில் பொறுமையே அதிக பலனை தரும். அத்தியாவசிய தேவைக்காக கடன் வாங்குகிறோமா? ஆடம்பர தேவைக்காக வாங்குகிறோமா? என்ற கேள்வியை கேட்டுக்கொள்ள வேண்டும். மேலும் இந்த கடனால் ஏற்படும் சாதக, பாதகங்களை ஒரு காகிதத்தில் எழுதி ஆராய்வது சரியானது.