ப்ரீமியம்
மகத்தான மருத்துவர்கள் - 45: அறிவியல் மனப்பான்மை ஊட்ட செய்த உயிர் தியாகம்

மற்றவர்களுக்கு சொல்வதை, முதலில் தான் பின்பற்றி ஒரு முன்னுதாரணமாக இருக்கவேண்டும் என்பதை எப்போதும் விரும்பினார் நரேந்திர தபோல்கர். ஆகையால் எளிமையான கதர் ஆடைகள், இரண்டாம் வகுப்புப் பயணங்கள், விடுதிகளில் தங்காமல் உடன் இருப்பவர்களின் இல்லங்களில் தங்கி உணவு உண்பது, அனைத்து தரப்பு மக்களிடமும் உரையாடுவது என்று தான் எளிமையாக வாழ்ந்ததோடு, தனது குடும்பத்தையும் அதையே கடைபிடிக்கச் செய்தார்.

அற்புதமான குடும்பம்: ஒருகட்டத்தில் தனது சிறிய தோட்டத்தில் இயற்கை விவசாயம் மேற்கொண்டு அதில் கிடைத்த அறுவடைகளையே பெரும்பாலும் உணவுக்காக உபயோகிக்க ஆரம்பித்தார். தான் மட்டுமன்றி தனது குடும்பத்திலும் எளிமையையும் சமூக அக்கறையையும் விதைத்திருந்தார் தபோல்கர்.