ப்ரீமியம்
நீங்க ‘பாஸ்' ஆக வேண்டுமா? - 40: குடும்பத்தில் அனைவருக்கும் தேவையான மருத்துவ காப்பீடு

குடும்பத்தில் வருமானம் ஈட்டும் நபர்கள் கட்டாயம் ஆயுள் காப்பீடு எடுக்க வேண்டும். அந்த காப்பீட்டை எடுத்தால் அவர்கள் இல்லாதபோது ஏற்படும் பொருளாதார இழப்பை குடும்பத்தினரால் சமாளிக்க முடியும். இதுகுறித்து முந்தைய அத்தியாயங்களில் அலசினோம். இந்த வாரம் அத்தியாவசிமான ம‌ருத்துவக் காப்பீடு (Health Insurance) குறித்து பார்ப்போம்.

குடும்பத்தில் உள்ள ஒவ்வொரு உறுப்பினருக்கும் கட்டாயம் மருத்துவக் காப்பீடு இருக்க வேண்டும். எதிர்பாராத விபத்து, திடீர் மாரடைப்பு, நோய் பாதிப்பு உள்ளிட்ட அவசர தேவைக்காக தனியார் மருத்துவமனைக்கு சென்றால் லட்சக்கணக்கில் பணம் செலவாகிறது. இப்போதெல்லாம் பணக்காரர்களாலே மருத்துவ செலவுகளை சமாளிக்க முடிவதில்லை. ஏழை, நடுத்தர வர்க்கத்தினரின் நிலைமை சொல்லி புரியவைக்க வேண்டுமா?