பொதுத்தேர்வுகள்: கடந்த ஆண்டைக் காட்டிலும் கூடுதல் தேர்வு மையங்கள்

பொதுத்தேர்வுகளுக்காக, கடந்த ஆண்டைக் காட்டிலும் இந்த ஆண்டு அதிகப்படுத்தப்பட்டுள்ளன. 3,012 தேர்வு மையங்கள் உருவாக்கப்பட்டுள்ளன என்று பள்ளிக் கல்வித்துறை அமைச்சர் கே.ஏ.செங்கோட்டையன் தெரிவித்துள்ளார்.

அமைச்சர் செங்கோட்டையன் இன்று (பிப்.28) திருப்பூரில் செய்தியாளர்களிடம் பேசியதாவது:

"பிளஸ் 2 பொதுத்தேர்வுகள் மார்ச் 2-ம் தேதி ஆரம்பித்து 21-ம் தேதி வரை நடைபெறும். தேர்வு முடிவுகள் ஏப்ரல் 24-ம் தேதி வெளியிடப்படும்.

பத்தாம் வகுப்பு பொதுத்தேர்வுகள் மார்ச் 27-ம் தேதி தொடங்கி ஏப்ரல் 13-ம் தேதி வரை நடைபெறும். தேர்வு முடிவுகள் மே 4-ம் தேதி வெளியிடப்படும்.

பிளஸ் 1 பொதுத்தேர்வுகள் மார்ச் 4-ம் தேதி தொடங்கி மார்ச் 26-ம் தேதி வரை நடைபெறும். தேர்வு முடிவுகள் மே 14-ம் தேதி வெளியிடப்படும்.

இந்த ஆண்டு பொதுத்தேர்வு எழுதும் மாணவர்களுக்கான நேரம் இரண்டரை மணிநேரத்திலிருந்து மூன்றே கால் மணிநேரமாக உயர்த்தி வழங்கப்படுகிறது. 10 மணிக்குத் தொடங்கி 1:15 மணி வரை நடைபெறும். 15 நிமிடம் கேள்வித்தாளைப் படிப்பதற்காக நேரம் ஒதுக்கப்படும்.

பிளஸ் 2 தேர்வை 8 லட்சத்து 16 ஆயிரத்து 359 பேரும், பத்தாம் வகுப்புத் தேர்வை 9 லட்சத்து 45 ஆயிரத்து 6 பேரும், பிளஸ் 1 தேர்வை 8 லட்சத்து 26 ஆயிரத்து 119 பேரும் எழுத உள்ளனர்.

கடந்த ஆண்டைக் காட்டிலும் இந்த ஆண்டு தேர்வு மையங்கள் அதிகப்படுத்தப்பட்டுள்ளன. 3,012 தேர்வு மையங்கள் உருவாக்கப்பட்டுள்ளன".

இவ்வாறு அமைச்சர் கே.ஏ.செங்கோட்டையன் தெரிவித்தார்.