ப்ரீமியம்
அதிகாரத்தின் முன் உண்மை உரைத்தல்

பிரபல இளம் பருவநிலை செயற்பாட்டாளர் கிரேட்டா துன்பர்க், ‘தி கிளைமேட் புக்’ என்ற பருவநிலை குறித்த புத்தகத்தை வெளியிட்டுள்ளார். அடுத்த பத்தாண்டுகளுக்குள் பருவநிலை மாற்றத்தை கட்டுப்படுத்த தவறினால் உலகம் மிக மோசமான அழிவை சந்திக்க நேரிடும் என்பதை 100 சூழலியல் நிபுணர்களிடம் கட்டுரைகள் பெற்று அவற்றை தொகுத்து 19 வயது மட்டுமே நிரம்பிய கிரேட்டா துன்பர்க் புத்தகமாக லண்டன் இலக்கிய திருவிழாவில் வெளியிட்டிருக்கிறார்.

இதைவிடவும் வியத்தகு சம்பவம் அப்புத்தக வெளியீட்டு விழாவில் அரங்கேறியது. ஐநா சபை நடத்திவரும் பருவநிலை மாநாடுகளில் 15 வயதிலிருந்து கலந்து கொண்டு சுற்றுச்சூழல் பாதுகாப்பு குறித்து துணிச்சலான உரை வீச்சுகளை நிகழ்த்தி வந்திருக்கிறார் ஸ்வீடன் நாட்டு கிரேட்டா துன்பர்க். அது மட்டுமின்றி உலக பொருளாதார மன்றம் முதல் பிரிட்டிஷ் நாடாளுமன்றம்வரை சுற்றுச்சூழல் சீர்கேட்டை தடுக்க உலகத் தலைவர்கள் என்ன செய்யவிருக்கிறார்கள் என்று உரத்தகுரலில் கேட்டிருக்கிறார்.