2023-ம் ஆண்டு பிறந்துவிட்டது. விதவிதமான இலக்குகளை ஒவ்வொருவரும் நிர்ணயித்திருப்பீர்கள். இதுபோன்ற புத்தாண்டு இலக்குகளை கேலி செய்யும் மீம்ஸ் சமூக ஊடகங்களில் வலம் வருவதை கவனித்தீர்களா?

புத்தாண்டில் உடற்பயிற்சி செய்வதென்று சபதம் எடுத்து, ஜனவரி 1 அன்று அரக்கப்பறக்க விடியற்காலையில் விழித்து உடற்பயிற்சி மேற்கொள்கிறார் ஒரு ஆசாமி. அடுத்த சில நாட்களில் வேகமும் உத்வேகமும் குறைந்து பழையபடி படுத்து உறங்கிவிடுகிறார். வெறும் கேலியாக தோன்றினாலும் இதற்குப் பின்னால் உள்ள உண்மையை நுட்பமாக அலச வேண்டியுள்ளது. இலக்கை நிர்ணயித்த வேகத்தில் நாம் கைவிடுகிறோம் என்பதுதான் அது.