அரசு பள்ளிகளில் இதுவரை 15.98 லட்சம் மாணவர்கள் சேர்க்கை

தமிழகத்தில் அனைத்து பள்ளிகளிலும் 1 முதல் 11-ம் வகுப்புக்கான மாணவர் சேர்க்கை கடந்தஆக.17-ல் தொடங்கி நடந்து வருகிறது. இதற்கிடையே நடப்புஆண்டில் அரசுப் பள்ளிகளில் மாணவர் சேர்க்கை அதிகரித்துள்ளது.

அதன்படி இதுவரை (நேற்றைய நிலவரப்படி) 15.98 லட்சம் மாணவர்கள் சேர்ந்துள்ளனர். 1-ம் வகுப்பில் 3.08 லட்சம், 6-ம்வகுப்பில் 3.66 லட்சம், 9-ம் வகுப்பில் 1.04 லட்சம், 11-ம் வகுப்பில் 4.14 லட்சம் மாணவர்களும், இதர வகுப்புகளில் 4.06 லட்சம் பேரும் சேர்க்கப்பட்டுள்ளனர்.

இந்நிலையில் மாணவர் சேர்க்கை பணிகள் இன்றுடன் (செப்.30) நிறைவு பெறுகின்றன. ஆனால், மாணவர் சேர்க்கையை விஜயதசமி தினம் வரை நீட்டிக்க வேண்டும் என்று ஆசிரியர்கள் கோரிக்கை விடுத்துள்ளனர்.