ப்ரீமியம்
வெள்ளித்திரை வகுப்பறை 16: நம்பிக்கை, மூடநம்பிக்கை

பென் கூறிய பதில் அவரை ஜான்ஸ் ஹாப்கின்ஸ் மருத்துவமனையில் பயிற்சி மருத்துவராக ஆக்குகிறது. பென் மகிழ்கிறார். முதல் நாள் மருத்துவமனைக்குச் செல்லும் போதே நிறவெறியின் கசப்பை உணர்கிறார். பிறந்ததில் இருந்தே அனுபவித்துக் கொண்டே இருக்கும் கொடுமை. வழக்கம் போல எல்லோரையும் பார்த்து புன்னகைக்கிறார். மனிதம் வளர்க்கும் புன்னகை. பயிற்சிக்காலம் முடிந்த பிறகு அங்கேயே மருத்துவராகிறார் பென்.

ஒரு நாள், பரபரப்பாக ஒரு சிறுமியை மருத்துவமனைக்குத் தூக்கி வருகிறார்கள். உடல் துள்ளித் துடித்துக் கொண்டே இருக்கிறது. வலிப்பு. மருத்துவம் செய்த பிறகு தூங்கிக்கொண்டு இருக்கிறாள். அவளுக்கு நான்கு வயது. பெற்றோர் கண்ணீரோடு நிற்கிறார்கள்.