கோடநாடு வழக்கில் கனகராஜ் நண்பரிடம் போலீஸ் விசாரணை :

கோடநாடு வழக்கு விசாரணையை போலீஸார் தீவிரப்படுத்தியுள்ளனர்.

இந்த வழக்கின் 40-வது சாட்சியான, உயிரிழந்த கனகராஜின் நெருங்கிய நண்பரான குழந்தைவேலுவை சென்னையில் இருந்து வரவழைத்து, மேற்கு மண்டல ஐஜி சுதாகர், எஸ்பி ஆஷிஸ் ராவத் மற்றும் தனிப்படை போலீஸார் நேற்று 5 மணி நேரம் விசாரித்தனர். சிவன் என்பவரிடமும் விசாரணை நடத்தப்பட்டது.

போலீஸார் கூறும்போது, ‘‘4 ஆண்டுகளாகிவிட்டதால் ஆதாரங்கள் பழையதாகிவிட்டன. இதனால், மீண்டும் முழு விசாரணை நடத்தப்படுகிறது. கனகராஜுடன் தங்கியிருந்த சிவன் மற்றும் குழந்தைவேலுவிடம் விசாரணை நடத்தப்பட்டது” என்றனர்.