நகர்ப்புற உள்ளாட்சித் தேர்தலுக்காக அரியலூர் மாவட்டத்தில் 102 வாக்குச்சாவடிகள் :

அரியலூர்: நகர்ப்புற உள்ளாட்சித் தேர்தலை முன்னிட்டு, அரியலூர் மாவட்ட ஆட்சியர் அலுவலகத்தில் வாக்குச்சாவடி பட்டியலை ஆட்சியர் பெ.ரமணசரஸ்வதி நேற்று வெளியிட்டார். அப்போது, அவர் கூறியது:

நகர்ப்புற உள்ளாட்சி சாதாரண தேர்தலுக்காக, அரியலூர் நகராட்சியில் ஆண்கள், பெண்கள் தனித்தனியே வாக்களிக்க தலா 16 வாக்குச்சாவடிகள், அனைத்து வாக்காளர்களும் வாக்களிக்க 2 வாக்குச்சாவடிகள், ஜெயங்கொண்டம் நகராட்சியில் ஆண்கள், பெண்கள் தனித்தனியே வாக்களிக்க தலா 17 வாக்குச்சாவடிகள், அனைத்து வாக்காளர்களும் வாக்களிக்க 4 வாக்குச்சாவடிகள் அமைக்கப்பட்டுள்ளன.

அதேபோல, உடையார்பாளையம் மற்றும் வரதராஜன்பேட்டை பேரூராட்சிகளில் அனைத்து வாக்காளர்களும் வாக்களிக்கும் வகையில் தலா 15 வாக்குச்சாவடிகள் அமைக்கப்பட்டுள்ளன. அதன்படி, மாவட்டத்தில் மொத்தம் 102 வாக்குச்சாவடிகள் உள்ளன என்றார்.