கிருஷ்ணகிரியில் அரசுப் பள்ளிகளுக்கு பாடப் புத்தகம் வழங்கும் பணி தீவிரம் :

கிருஷ்ணகிரி மாவட்டத்தில் உள்ள அரசுப் பள்ளிகளுக்கு பாடப் புத்தகம் வழங்கும் பணி தீவிரமாக நடந்து வருகிறது.

தமிழகத்தில் கரோனா தளர்வுகளுக்கு பிறகு, வரும் நவம்பர் 1-ம் தேதி முதல் 1-ம் வகுப்பு முதல் 8-ம் வகுப்பு வரை பயிலும் மாணவ, மாணவிகளுக்கு பள்ளிகள் தொடங்கப்பட உள்ளன.

இந்நிலையில் பள்ளிக் கல்வித்துறை சார்பில், அரசுப் பள்ளிகளுக்கு புத்தகம் அனுப்பி வைக்கும் பணி தீவிரமாக நடந்து வருகிறது. கிருஷ்ணகிரி வட்டாரக் கல்வி மையங்கள் மூலம் உள்ள 1-ம் வகுப்பு முதல் 8-ம் வகுப்பு வரை உள்ள, 124 அரசுப் பள்ளிகளுக்கு தமிழ், ஆங்கில வழிப்பாட புத்தகங்கள் விநியோகம் செய்யப்பட்டு வருகிறது. மொத்தமுள்ள, 14 ஆயிரத்து 427 மாணவர்களுக்கு பாடப் புத்தகங்கள் வழங்கும் பணி 2 நாட்களில் முடிக்கப்பட்டு விடும் என அதிகாரிகள் தெரிவித்தனர்.