கிருஷ்ணகிரி ஆடவர் கல்லூரியில் நாளை முதுநிலை மாணவர் சேர்க்கை கலந்தாய்வு :

கிருஷ்ணகிரி அரசு ஆடவர் கலைக்கல்லூரியில் முதுநிலை பாடப்பிரிவுகளில் மாணவ, மாணவியர் சேர்க்கைக்கான பொது கலந்தாய்வு நாளை (20-ம் தேதி) மற்றும் 23-ம் தேதிகளில் இரு கட்டமாக நடைபெறவுள்ளது.

இதுதொடர்பாக கல்லூரி முதல்வர் அனுராதா வெளியிட்டுள்ள செய்திக்குறிப்பு:

கிருஷ்ணகிரி அரசு ஆடவர் கலைக் கல்லூரியில் அனைத்து முதுநிலை மற்றும் மூதறிவியல் பாடப்பிரிவுகளில் சேர மாணவ, மாணவியர்களுக்கான பொதுக்கலந்தாய்வு நடைபெறுகிறது. அதன்படி, முதல்கட்டமாக நாளை (20-ம் தேதி) மற்றும் 2-ம் கட்டக் கலந்தாய்வு வரும் 23-ம் தேதியும் நடைபெறுகிறது என்று தெரிவித்துள்ளார்.

தருமபுரி

தருமபுரி அரசு கலைக் கல்லூரியில் 2021-22-ம் கல்வியாண்டில் முதுநிலை பட்ட மேற்படிப்புகளில் சேர ஆன்லைன் முறையில் விண்ணப்பித்த மாணவ, மாணவியருக்கு வரும் 21, 22 ஆகிய தேதிகளில் சேர்க்கை கலந்தாய்வு நடக்கவுள்ளது.

சிறப்பு ஒதுக்கீடு கலந்தாய்வு 21-ம் தேதியும், பொது கலந்தாய்வு 22-ம் தேதியும் நடக்கிறது என்று தெரிவித்துள்ளார்.