கோவையில் நாளை மெகா கரோனா தடுப்பூசி முகாம் :

கோவை மாவட்ட ஆட்சியர் ஜி.எஸ்.சமீரன் வெளியிட்ட செய்திக்குறிப்பில்,‘‘கோவை மாவட்டத்தில் இதுவரை 7 முறை மெகா கரோனா தடுப்பூசி முகாம்கள் நடத்தப்பட்டுள்ளன. இதைத் தொடர்ந்து, நாளை (நவ.14) எட்டாவது முறையாக மெகா தடுப்பூசி முகாம் நடத்தப்பட உள்ளது. இந்த முகாம் காலை 7 மணி முதல் இரவு 7 மணி வரை நடத்தப்படும். இதன்மூலம் 2 லட்சம் பேருக்கு தடுப்பூசி செலுத்த இலக்கு நிர்ணயிக்கப்பட்டுள்ளது. முதல் தவணை தடுப்பூசி செலுத்திக் கொள்ளாதவர்களும், இரண்டாவது தவணை தடுப்பூசி செலுத்த காத்திருப்போரும் தங்களது வீட்டுக்கு அருகில் நடைபெறும் முகாம்களில் பங்கேற்று தடுப்பூசி செலுத்திக் கொள்ளலாம்’’ எனத் தெரிவித்துள்ளார்.