இந்திய கம்யூனிஸ்ட் கட்சியினர் ஆர்ப்பாட்டம் :

கோவில்பட்டி: பாண்டமங்கலம் ஊராட்சி அன்னை தெரசா நகர், பாலாஜி நகர் பகுதியில் உள்ள கழிவுநீர் வடிகால்களை முறையாக சுத்தம் செய்ய வலியுறுத்தி, இந்திய கம்யூனிஸ்ட் கட்சியினர் நேற்று ஆர்ப்பாட்டத்தில் ஈடுபட்டனர். கோவில்பட்டி - மந்தித்தோப்பு சாலையில் நடந்த ஆர்ப்பாட்டத்துக்கு கட்சியின் தாலுகா செயலாளர் பாபு தலைமை வகித்தார். மாவட்ட துணைச் செயலாளர் சேதுராமலிங்கம், தாலுகா துணைச் செயலாளர் ராமகிருஷ்ணன், மாவட்டக் குழு உறுப்பினர் பரமராஜ் மற்றும் அப்பகுதி பொதுமக்கள் கலந்து கொண்டனர்.