ரேஷன் கடைகளில் பனை வெல்லம் விற்பனை : முதல்வருக்கு குமரி அனந்தன் பாராட்டு

ரேஷன் கடைகளில் பனைவெல் லம் விற்பனை செய்ய உத்தர விட்டதற்காக முதல்வர் மு.க.ஸ்டா லினுக்கு, காங்கிரஸ் கட்சியின் மூத்த தலைவர் குமரி அனந்தன் பாராட்டுத் தெரிவித்துள்ளார்.

இது தொடர்பாக அவர் நேற்று வெளியிட்ட அறிக்கை:

கற்பகம் என்ற பெயரில், ரேஷன் கடைகளில் பனைவெல்லம் விற்பனை செய்யும் நடைமுறையை ராமநாதபுரம் சாயல்குடியில் தமிழக முதல்வர் மு.க.ஸ்டாலின் தொடங்கிவைத்திருப்பது பாராட்டத்தக்கது.

பனைவெல்லத்தில் ரத்தத்தை அபிவிருத்தி செய்யும் தயமின்,ரிபோபிளேவின் என்ற பி வைட்டமின்களும், நிகோடினிக் ஆசிட் என்ற பி3-ம், அஸ்கார்பிக் ஆசிட் என்ற சி வைட்டமினும் இருக்கின்றன. இவை மனித வளர்ச்சிக்கு மிகவும் அவசியமானவை. ரேஷன் கடை மூலம் இவை அனைத்து தரப்பு மக்களையும் சென்றடைந்துவிடும்.

இதுபோல, வேம்பு, கற்றாழை மற்றும் மூலிகைகளால் ஆன சோப்பு தயாரிப்பதையும், `தமிழ் தறி' என்ற பெயரில், பராம்பரிய பட்டுச் சேலைகள் விற்பனைக்கு ஊக்கம் அளித்திருப்பதையும் பாராட்டுகிறேன். இதன்மூலம், தமிழர்களின் அடையாளம் காக்கப் படும். இவ்வாறு குமரி அனந்தன் தெரிவித்துள்ளார்.