மயிலத்தில் அரசு வேளாண் கல்லூரி கொண்டு வருவேன் : பாமக வேட்பாளர் சிவகுமார் வாக்குறுதி

மயிலம் தொகுதியில் பாமக வேட்பாளர் சிவக்குமார் பிரச்சாரம் மேற்கொண்டார்.

மயிலம் தொகுதியில் அதிமுக கூட்டணியில் போட்டியிடும் பாமக வேட்பாளர் சிவகுமார் மயிலத்தில் தேர்தல் பிரச்சாரம் மேற்கொண்டார். அப்போது அவர் பேசியது: மயிலம் பகுதியில் அரசு வேளாண்மை கல்லூரி கொண்டு வருவேன். கூட்டேரிப்பட்டு நான்கு முனை சந்திப்பில் மேம்பாலம் கட்ட முயற்சி மேற்கொள்வேன். விவசாயிகள் தங்களின் விளை பொருட்களை விற்பனைக்கு முன் பாதுகாப்பாக வைக்க குளிரூட்டப்பட்ட கிடங்கு அமைக்க முயற்சி மேற்கொள்வேன். மயிலத்தை பேரூராட்சியாக தரம் உயர்த்தவும் முயற்சிகள் மேற்கொள்வேன் என்று தெரிவித்தார். இதனை தொடர்ந்து மயிலம் சுற்றுவட்டார கிராமங்களில் தேர்தல் பிரச்சாரம் மேற்கொண்டார்.