ஊழலை மறைக்க ஆளும் கட்சி மீது குறைகூறும் திமுக: அமைச்சர் ஜி.பாஸ்கரன்

பின்னர் செய்தியாளர்களிடம் அமைச்சர் கூறியதாவது:

அதிமுக அரசு மக்களுக்கு ஒன்றும் செய்யவில்லை என்று திமுகவினர் கூறுகின்றனர். ஆனால் ஏதாவதொரு திட்டத்தைத் தொடங்கினால், ஊழல் செய்யவே தொடங்குவதாகக் கூறுகின்றனர். திமுகவினர் தங்களின் ஊழல்களை மறைக்கவே ஆளும்கட்சி மீது குறை சொல்லி வருகின்றனர். தமிழகத்தில் தொழிற்சாலைகள் வரவில்லை என ஸ்டாலின் கூறுகிறார். நாட்டிலேயே தொழில் துறையில் தமிழகம் முதன்மை மாநிலமாக இருப்பது அனைவருக்கும் தெரியும். ஆனால் ஸ்டாலின் தமிழக அரசு மீது குறை கூற வேண்டும் என்பதற்காகவே குற்றம் சுமத்தி வருகிறார். இவ்வாறு அவர் கூறினார்.