4 டன் ரேஷன் அரிசி பறிமுதல்

களியக்காவிளையை அடுத்த படந்தாலுமூட்டில் விளவங்கோடு வட்ட வழங்கல் அலுவலர் தினேஷ் சந்திரன் தலைமையில் அதிகாரிகள் நேற்று வாகன சோதனை நடத்தினர். அப்போது அவ்வழியாக வேகமாக சென்ற டெம்போவை நிறுத்துமாறு சைகை காட்டியும், நிற்காமல் சென்றதையடுத்து அதிகாரிகள் 2 கிலோ மீட்டர் தூரம் ஜீப்பில் விரட்டிச் சென்று தடுத்து நிறுத்தினர். டெம்போவை நிறுத்தி விட்டு ஓட்டுநர் தப்பி ஓடி விட்டார்.

டெம்போவை சோதனை செய்தபோது, வாழைத்தார் களுக்கு அடியில் ரேஷன் அரிசி மூட்டைகளை மறைத்து வைத்திருந்ததும், அவற்றை கேரளாவுக்கு கடத்திச் செல்ல முயன்றதும் தெரிய வந்தது. மொத்தம் 4 டன் ரேஷன் அரிசி, டெம்போவை அதிகாரிகள் பறிமுதல் செய்தனர்.