அரசு அருங்காட்சியகம் சார்பில் 22-ல் பள்ளி மாணவர்களுக்கு ஓவியப் போட்டி :

கிருஷ்ணகிரி அரசு அருங்காட்சியகத்தில், வரும் 22-ம் தேதி மாணவ, மாணவியருக்கு ஓவியப் போட்டிகள் நடத்தப்பட உள்ளது.

இதுகுறித்து, கிருஷ்ணகிரி மாவட்ட அருங்காட்சியக காப்பாட்சியர் கோவிந்தராஜ் வெளியிட்டுள்ள செய்திக்குறிப்பு:

கிருஷ்ணகிரி காந்தி சாலையில் அரசு ஆண்கள் மேல்நிலைப்பள்ளி அரசு அருங்காட்சியகம் இயங்கி வருகிறது. 75-வது சுதந்திர தின கொண்டாட்டங்களை முன்னிட்டு, வரும் 22-ம் தேதி ஓவியப் போட்டிகள் நடத்தப்பட உள்ளன. 6-ம் வகுப்பு முதல் பிளஸ் 2 வரை பயிலும் மாணவ, மாணவியர் இப்போட்டிகளில் பங்கேற்கலாம். போட்டிக்கான ஓவியத்தாள் மட்டும் அருங்காட்சியகத்தில் வழங்கப்படும். ஓவியம் வரையத் தேவையான இதர பொருட்களை மாணவர்களே கொண்டு வர வேண்டும். 6, 7, 8-ம் வகுப்பு மாணவ, மாணவியருக்கு விலங்குகள், பறவைகள் என்ற தலைப்பிலும், 9, 10-ம் வகுப்புக்கு இயற்கை காட்சி, பிளஸ் 1, பிளஸ் 2 வகுப்புகளுக்கு’ ‘எனக்கு பிடித்த தேசத் தலைவர்’ என்ற தலைப்பிலும் ஓவியப் போட்டிகள் நடக்கின்றன. போட்டியில் பங்கேற்க விரும்புவோர் தலைமை ஆசிரியரின் அனுமதியோடு பங்கேற்க வேண்டும்.