பார்வை குறையுடைய : மாணவர்களுக்கு உருப்பெருக்கிகள் :

திருவள்ளூர் மாவட்ட ஆட்சியர் அலுவலகத்தில் நேற்று நடைபெற்ற மாற்றுத் திறனாளிகளுக்கான சிறப்பு குறைதீர் கூட்டத்தில் மாவட்ட ஆட்சியர், மாற்றுத் திறனாளிகளிடமிருந்து கோரிக்கை மனுக்களை பெற்றுக்கொண்டார்.

மேலும், பார்வைத்திறன் குறையுடைய மாணவ- மாணவியர்கள் 5 பேருக்கு கல்வி பயில்வதற்கு ஏதுவாக தலா ரூ.9,300 வீதம் ரூ.46,500 மதிப்பிலான எழுத்துகளை பெரிதாக்கி காட்டும் உருப்பெருக்கிகளை (Magnifier) வழங்கினார்.

இதில் தனித்துணை ஆட்சியர் (சமூக பாதுகாப்புத் திட்டம்) கார்த்திகேயன், மாவட்ட மாற்றுத் திறனாளிகள் நல அலுவலர் பாபு உள்ளிட்டோர் பங்கேற்றனர்.