விளைநிலங்கள் பாதிப்பு : பேரிடர் கண்காணிப்பு அலுவலர் ஆய்வு :

சிவகங்கை மாவட்டத்தில் தொடர்மழையால் சிவகங்கை அருகே அல்லூர்-பனங்காடி, மானாமதுரை அருகே செய்களத்தூர், சன்னதி புதுகுளம் உள்ளிட்ட இடங்களில் நெற்பயிர்கள் பாதிக்கப்பட்டன.

அப்பகுதிகளை மாவட்ட ஆட்சியர் பி.மதுசூதன்ரெட்டி, தமிழரசி எம்எல்ஏ முன்னிலையில் பேரிடர் கண்காணிப்பு அலுவலர் லால்வேளா ஆய்வு செய்தார். இதுகுறித்து மாவட்ட ஆட்சியர் பி.மதுசூதன்ரெட்டி செய்தியாளர்களிடம் கூறியதாவது: சிவகங்கை மாவட்டத்தில் 286 ஏக்கர் விளைநிலங்கள் பாதிக்கப்பட்டுள்ளன. சன்னதி புதுக்குளத்தில் மட்டும் 20 ஏக்கருக்கு மேல் பாதிக்கப்பட்டுள்ளது.

இதுகுறித்து அரசுக்கு அறிக்கை அனுப்பி உள்ளோம் என்றார்.