மதுரை அருகே பெண்ணிடம் 9 பவுன் வழிப்பறி :

மதுரை அருகே மோட்டார் சைக்கிளில் சென்ற பெண்ணிடம் மற்றொரு இரு சக்கர வாகனத்தில் வந்த இரண்டு மர்ம நபர்கள் ஒன்பது பவுன் நகையை பறித்துச் சென்றனர்.

மதுரை சமயநல்லூர் அருகே பரவை மில் காலனியைச் சேர்ந்த சோமசுந்தரம் மனைவி சிவசக்தி (39). இவர் தனது மகள் சிவயுடன் இரு சக்கர வாகனத்தில் கடந்த 3-ம் தேதி மதுரை- சமயநல்லூர் பிரதான சாலையில் சென்றார்.

திருமண மண்டபம் அருகே சென்றபோது, பின்னால் மற்றொரு இரு சக்கர வாகனத்தில் வந்த இருவர், சிவசக்தி அணிந்திருந்த 9 பவுன் சங்கிலியை பறித்து தப்பினர்.

இது குறித்து சமயநல்லூர் காவல் ஆய்வாளர் ஆனந்தி விசாரிக்கிறார்.