வேலூர் தெற்கு காவல் நிலையத்துக்கு முதல்வரின் விருது :

வேலூர் மாவட்டத்தில் சிறப்பாக செயல்பட்டதற்கான முதல்வரின் விருது தெற்கு காவல் நிலையத்துக்கு வழங்கப்பட்டது.

தமிழகத்தில் மாவட்ட வாரியாக சிறந்த காவல் நிலையங்கள் தேர்வு செய்யப்பட்டு முதல்வரின் சிறந்த காவல் நிலையம் என்ற விருது வழங்கப்பட்டுள்ளது. இதில், குற்றங்களைக் கண்டுபிடித்து குற்ற வாளிகளை விரைந்து கைது செய்தது, குற்றத் தடுப்பு நடவடிக்கைகளில் ஈடுபட்டது, சட்டம்-ஒழுங்கை பராமரித்து, விபத்துக்களை குறைத்து விழிப்புணர்வு ஏற்படுத்தியது என பல்வேறு வகைகளில் சிறப்பாக செயல்பட்ட காவல் நிலையங்களுக்கு இந்த விருது வழங்கப்பட்டுள்ளது.

அதன்படி, வேலூர் மாவட்டத்தில் சிறப்பான செயல்பாட்டின் அடிப்படை யில் வேலூர் தெற்கு காவல் நிலையம் முதல்வரின் விருதுக்கு தேர்வாகியுள் ளது. இதற்கான விருதினை வேலூர் மாவட்ட காவல் கண்காணிப்பாளர் செல்வகுமார், தெற்கு காவல் நிலைய ஆய்வாளர் நந்தகுமாரிடம் நேற்று முன் தினம் வழங்கினார். அப்போது, தெற்கு காவல் நிலையத்தில் பணியாற்றும் அனைத்து காவலர்களுக்கும் காவல் கண்காணிப்பாளர் வாழ்த்துக்களை தெரிவித்ததுடன் வரும் நாட்களிலும் சிறப்பாக செயல்பட அறிவுரை வழங்கினார்.